Էդվարդ Նալբանդյանը մեկնեց Մոսկվա. ովքե՞ր են այսօր հեռացել երկրից

Քիչ առաջ Ազատության ռադիոկայանի լրագրողը Զվարթնոց օդանավակայանում ականատեսն է եղել, թե ինչպես է Հայաստանից պատրաստվում մեկնել ՀՀ արտաքին գործերի նախարար Էդվարդ Նալբանդյանը: Ըստ չվացուցակի` ուղղությունը Մոսկվա:

Լրագրողի հարցին` պատրաստվո՞ւմ է նա հրաժարական տալ, Նալբանդյանը նշել է, որ չի ցանկանում պատասխանել հարցերին:

Նախարարին ուղեկցում էին ԱԳՆ երկու աշխատակիցներ: Սակայն, ինչպես նշում է աղբյուրը, հայտնի չէ` սա պաշտոնական, թե մասնավոր այց է, քանի որ ԱԳՆ պաշտոնական կայքում որևէ այցելության մասին տեղեկատվություն չկա:

Ի դեպ, ցերեկը Հայաստանից մեկնել է ՀՀԿ-ական կարկառուն ներկայացուցիչ, մականունավոր Առաքել Մովսիսյանը` Շմայսը: Նա մեկնել է Սոչի: