Կառավարությունը Որատանի վաճառքից կսուբսիդավորի էլեկտրաէներգիայի թանկացումը

Վարչապետ Հովիկ Աբրահամյանը բացահայտել է աղբյուրը, որից պետությունը կսուբսիդավորվի էլեկտրաէներգիայի թանկացումը Հայաստանի բնակչության համար: Էլեկտրաէներգիայի սակագնի 6,93 դրամով թանկացումը կփոխհատուցվի "Որատան հիդրոկասկադի" ամերիկյան «Կոնտուր Գլոբալ» ընկերությանը վաճառքից ստացված միջոցներից:

Գյումրիում այսօր՝ օգոստոսի 1-ին, վարչապետը լրագրողներին ասել է, որ գումարը կառավարությունը կվերցնի ոչ թե բյուջետային, այլ արտաբյուջետային միջոցներից՝ մասնավորապես «Որոտան կասկադի» վաճառքից ստացված գումարներից: Հիդրոկասկադը 180 մլն դոլարով ավելի վaղ վաճառվել է ամերիկայն Կոնտուր Գլոբալ ընկերությունը:

"Հայաստանի էլեկտրական ցանցեր" (ՀԷՑ) ընկերության հայտի մասնակի բավարարմամբ երկրում էլեկտրաէներգիայի սակագների 17% բարձրացման Հանրային ծառայությունները կարգավորող հանձնաժողովի որոշումը մեծ դժգոհություն և հասարակական ցասում առաջացրեց:

Երևանում և Հայաստանի այլ մեծ քաղաքաներում սկսեցին բողոքի մասսայական ակցիաներ ընդդեմ էլեկտրաէներգիայի թանկացման: Ցուցարարները մայրաքաղաքում ի նշան բողոքի 13 օր փակ պահեցին կենտրոնական Բաղրամայն պողոտան:

Հանրային ճնշման արդյունքում ՀՀ իշխանությունները որոշում կայացրեցին աուդիտ անցկացնել ՀԷՑ-ում՝ սակագնի բարձրացման որոշման հիմանվորթյունը ստուգելու համար: Որոշում կայացվեց նաև կառավարության միջոցներից մինչև աուդիտի ավարտը սուբսիդավորել էլեկտրաէներգիայի թանկացումը:

Մինչև օգոստոսի 1-ը Հայաստանի էլցանցերի սահմանած սակագները բնակչության համար կազմում էին ցերեկային ժամերին մեկ կիլովատ ժամի համար՝ 41.85 դրամ, իսկ գիշերը՝ 31.85:

Մայիսի 8-ին Հայաստանի էլցանցերի ներկայացրած հայտով նախատեսված էր սակագների բարձրացում մինչև 58 և 48 դրամ համապատասխանաբար: Ընկերությունը հայտնվել է ծանր ֆինանսական կացության մեջ և կուտակել է 250 միլիոն դոլարի պարտք: