Իրանը չի բանակցի ԱՄՆ-ի հետ Մերձավոր Արևելքում իր ներկայության հարցով. Խամենեի

Իրանի բարձրագույն ղեկավար այաթոլլա Ալի Խամենեին ասել է, որ երկրի իշխանությունները չեն բանակցելու Միացյալ Նահանգների և եվրոպական երկրների հետ՝ Մերձավոր Արեւելքի տարածաշրջանում իրենց ներկայության հարցում: Այս մասին հաղորդվում է նրա կայքում:

«Եվրոպական երկրների ներկայացուցիչները գալիս են և ասում, որ ցանկանում են բանակցել Իրանի հետ՝ տարածաշրջանում վերջինիս ներկայության մասին: Ինչպե՞ս եք: Ի՞նչ եք անում այստեղ: Սա մեր տարածաշրջանն է»,- հայտարարել է առաջնորդը:

Խամենեին նաև ավելացրել է, որ այդ հարցում էլ Իրանի իշխանությունները չեն խորհրդակցի ԱՄՆ-ի հետ նույնպես:

«Մենք պետք է տարածաշրջանում ներկայության վերաբերյալ բանակցություններ վարենք տարածաշրջանի կառավարությունների կամ ձեզ հե՞տ: Ձեզ հետ մենք կբանակցենք այն ժամանակ, երբ ցանկություն կունենանք ներկա լինել ԱՄՆ-ում»,- եզրափակել է նա: