Ռազմական փորձագետ. Ադրբեջանն առանց ռուսական զենքի էլ գլուխ կհանի

ՌԴ–ն ունի իր շահերը Կովկասում և կարող է Իսկանդերներ տեղադրել արևմտյան և հարավային ուղղությունների վրա։ Ինչ վերաբերվում է ՀՀ–ում տեղադրված հրթիռային համալիրներին, ապա դրանք չեն վախեցնում Ադրբեջանին, որն ունի տարածաշրջանի հզոր բանակն ու անընդհատ նոր զինատեսակներ է գնում։ Այդ մասին հայտարարել է ռազմական փորձագետ Շաիր Ռամալդանովը։

Նա նշել է, որ Ադրբեջանը ցանկանում է Ուկրաինայից գնել Գրոմ համակարգեր, որոնք ոչնչով չեն զիջում Իսկանդերներին։ 

Անդրադառնալով ամերիկացիների կողմից հնարավոր պատժամիջոցների կիրառմանը` ՌԴ–ից զենք գնող երկրների նկատմամբ, նա նշել է, որ Ադրբեջանը զենք է գնում աշխարհի 20 երկրներից և կարող է գլուխ հանել նաև առանց ռուսական զենքի։

Նա հավելել է, որ այդ լուրից պետք է մտահոգվի ՀՀ–ն, որը լիովին կախված է ռուսական զենքից։