ԱՄՆ-ն աջակցում է Իրանի ժողովրդին ազատության համար իր մղած քաջարի պայքարում. Թրամփ

Միացյալ Նահանգներն աջակցում է Իրանի ժողովրդին ազատության համար իր մղած քաջարի պայքարում: Այդ մասին հայտարարել է ԱՄՆ նախագահ Դոնալդ Թրամփը՝ ելույթ ունենալով Կոնգրեսում:

«Երբ Իրանի ժողովուրդը հանդես եկավ կոռումպացված բռնապետության հանցագործությունների դեմ՝ ես չլռեցի: Ամերիկան աջակցում է Իրանի ժողովրդին ազատության համար իրենց քաջարի պայքարում»,- ասել է նա՝ նկատի ունենալով դեկտեմբերի վերջին Իրանի տարբեր քաղաքներում անցկացված հակակառավարական ցույցերը։

Թրամփը կրկնել է, որ խնդրում է Կոնգրեսին դիտարկել «Իրանի հետ սարսափելի միջուկային գործարքի հիմնական թերությունները»: