29.03.2024
Ապագա նախագահն ըստ Սերժ Սարգսյանի. արդյոք կարող է Արմեն Սարգսյանը լինել այդ պաշտոնում
prev Նախորդ նորություն

Նորություններ գործընկերներից

Սվիտալսկին լավատես է. ՀՀ և ԵՄ միջև համաձայնագիրը կարող է իրականացվել այս տարի

Հայաստանի եւ Եվրոպական միության միջեւ նախորդ տարի նոյեմբերին ստորագրված համաձայնագիրը կարող է իրականացվել այս տարի: Այս մասին լրագրողների հետ հանդիպմանը հայտարարել է ՀՀ-ում Եվրոպական միության պատվիրակության ղեկավար, դեսպան Պյոտր Սվիտալսկին:


«Որոշ կետեր կարող են գործել մինչեւ ԵՄ անդամ բոլոր երկրների կողմից վավերացվելը»,- ասաց նա:


Սվիտալսկու գնահատականով, ԵՄ-ն լավ է սկսել, իսկ վավերացման գործընթացը սովորաբար հիմնվում է օրենսդրական գործընթացների վրա, որն էլ կախված է յուրաքանչյուր երկրի օրենսդրությունից:


«Օրինակ՝ դաշնային պետություններում ցանկացած միջազգային համաձայնագիր պահանջում է բավականին մանրամասն գործընթացային ծանր աշխատանք, բայց մենք լավատես ենք, եւ ԵՄ-ի տեսակետից ասեմ, որ ամենակարեւորն այստեղ այն է, որ համաձայնագիրը կարող է իրականացվել այս տարի: Հուսանք այս տարի գարնանից կարող է իրականացվել: Սա պահանջում է Հայաստանի կողմից վավերացում»,- նշեց նա:


Միևնույն ժամանակ նա նշեց, որ ամբողջական համաձայնագրի շատ մասեր հնարավոր չի լինի ավարտել առանց ամբողջական վավերացումն ավարտելու և դժվար է ասել, թե երբ դա հնարավոր կլինի: Բայց բոլոր ազդանշաններից ելնելով կարելի է ասել, որ հիմքեր ունենք լավատես լինելու՝  կապված համաձայնագրի հիմնական կետերի իրականացման ժամանակաշրջանի հետ:

Գումարտակի հրամանատարը մեղադրվում է $700 կաշառք վերցնելու մեջ. քրգործը ՀՔԾ-ում է
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար