Իզորիա. Թուրքիան Վրաստանի ԶՈՒ–ի զարգացման աջակիցն է

Վրաստանն ու Թուրքիան քննարկել են ռազմական ոլորտում երկկողմ համագործակցությունը խորացնելու, փորձի եւ ռազմական կրթության փոխանակման հարցերը: Այս քննարկումը տեղի է ունեցել Թբիլիսիում Վրաստանի պաշտպանության նախարար Լեւան Իզորիայի եւ Վրաստանում Թուրքիայի նորանշանակ դեսպան Ֆաթմա Ջերեն Յազգանի հանդիպման ժամանակ:

Ինչպես հայտնում է Վրաստանի ՊՆ կայքը, քննարկման ժամանակ ուշադրություն է դարձվել միջազգային առաքելություններում երկու պետությունների զինված ուժերի համատեղ ծառայությանը:

Նրանք նաեւ քննարկել են ՆԱՏՕ-Վրաստան համագործակցության փաթեթի իրականացմանը վերաբերող հարցեր: