29.03.2024
Կանխվել է տավարի մսի անվան տակ ավանակի և ձիու մսի իրացումը. ՔԿ-ն մանրամասներ է հայտնում
prev Նախորդ նորություն

Նորություններ գործընկերներից

ՆԱՏՕ-ն ԼՂ ճգնաժամը հանգուցալուծելու հարցում առաջընթացի հույս ունի. Ռոուզ Գոթեմյոլլեր

Ղարաբաղյան հակամարտության հանգուցալուծումը դրական անդրադարձ կունենա ամբողջ տարածաշրջանի վրա: ՆԱՏՕ-ն ճգնաժամը հանգուցալուծելու հարցում առաջընթաց տեսնելու հույս ունի: Այս մասին Երևանում լրագրողների հետ ճեպազրույցում հայտարարել է ՆԱՏՕ-ի գլխավոր քարտուղարի տեղակալ Ռոուզ Գոթեմյոլլերը:


Վերջինս, հիշեցնենք, Հայաստանում է դեկտեմբերի 13-18-ն անցկացվող «ՆԱՏՕ-ի շաբաթ» միջոցառումների շրջանակում:


Նրա խոսքով, ավելի քան 25 տարի է անցել, սակայն ղարաբաղյան հակամարտությունը դեռ լուծված չէ: Ողջունելով ղարաբաղյան հակամարտության կողմերի արտգործնախարարների և նախագահների վերջին հանդիպումները, Ռոուզ Գոթեմյոլլերը դա «գերազանց է» որակել.


«Ես կարող եմ իմ գոհունակությունը հայտնել, որ ԱՄՆ-ն նման բարձր մակարդակով ներգրավված է որպես ԵԱՀԿ Մինսկի խմբի համանախագահ ՌԴ և Ֆրանսիական հետ միասին: Որպես ՆԱՏՕ ղեկավարության ներկայացուցիչ կարող եմ ասել, որ ՆԱՏՕ-ն ճգնաժամը լուծելու հարցում առաջընթացի ու նոր պահ տեսնելու հույս ունի»,- հավելել է նա:


Նշենք, որ հայաստանյան այցի շրջանակում ՆԱՏՕ-ի պաշտոնյան հանդիպում է ունենալու ՀՀ նախագահի, պաշտպանության և արտաքին գործերի նախարարների հետ: 

Տեսնել իրականությունը. օտարերկրացի 20 պատգամավոր Ծառուկյանի հրավերով այցելել է Արցախ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար