Փորձագետ. Սալեհի սպանությունը կսրի հակամարտությունն Եմենում

Եմենի նախկին նախագահ Աբդալա Սալեհի սպանությունը միայն կսրի հակասություններն Եմենի ներսում ու կբերի ավելի մեծ արյունահեղության։ Այդ մասին հայտարարել է Եգիպտոսի նախկին ԱԳ նախարար Մուհամեդ ալ–Օրաբին։

Նա նշել է, որ ներքին հակամարտությունն էլ ավելի կսրվի ու դա կապված չի լինի արաբական կոալիցիայի ուղղակի գործողությունների հետ։

Ըստ նրա, Եմենում քաղաքացիական պատերազմը կլինի ավելի մաշտաբային, քան հոուսիտների ու Սաուդյան Արաբիայի ղեկավարած կոալիցիայի միջև հակամարտությունը։

Նա հավելել է, որ Սալեհի սպանությունը հոուսիտների մեսիջն է, որ նրանք հզոր են և կարող են վերահսկել իրավիճակը։