Էրդողանն իրենց ակտիվները արտասահման տեղափոխել փորձողներին «դավաճան» է անվանել

675

Թուրքիայի նախագահ Ռեջեփ Թայիփ Էրդողանը «դավաճանության» մեջ է մեղադրել գործարարներին, որոնք փորձում են իրենց ակտիվներն արտասահման տեղափոխել եւ կառավարությանը կոչ է արել արգելել նմանատիպ ցանկացած քայլ, փոխանցում է Reuters-ը:

«Ես ազդանշաններ եմ տեսնում, նորություններ այն մասին, որ որոշ գործարարներ փորձում են իրենց ակտիվներն արտասահման տեղափոխել, եւ ես կոչ եմ անում կառավարությանը, նրանցից ոչ մեկին թույլ չտալ դա անել, քանի որ այդ մարդիկ դավաճաններ են», - ասել է Էրդողանը՝ կոնկրետ մարդկանց կամ երկրների չմատնանշելով:

Ավելի վաղ թուրքական լրատվամիջոցները հաղորդել էին, որ թուրք դատախազները մտադիր են կալանքի տակ առնել թուրք-իրանական միլիարդատեր Ռեզա Զարաբի ակտիվները, որը համագործակցում է ԱՄՆ իշխանությունների հետ՝ փողերի լվացման եւ Իրանի նկատմամբ պատժամիջոցները շրջանցելու գործով:

Տպել

Թեմայի այլ նորություններ
Загрузка...