Ադրբեջանը հետաքրքրված է ՌԴ-ից նոր անօդաչու սարքերի ձեռքբերմամբ

Ադրբեջանը հետաքրքրված է անօդաչու սարքերի ձեռքբերմամբ, որոնք արտադրվելու են Ռուսաստանի Աստրախանի մարզում՝ «Լոտոս» հատուկ տնտեսական գոտու տարածքում: Այս մասին, հղում անելով ռուսական լրատվամիջոցներին, գրում է Интерфакс-Азербайджан-ը:

«Լոտոս» գոտու դիտորդական խորհուրդը հավանության է արժանացրել «ԻնոՊրոեկտ» ընկերության բիզնես-ծրագիրը, որի շրջանակում նախատեսվում է ծովային ինքնակառավարվող անօդաչու միջոցների կողմից ստացվող տեղեկատվության հավաքման և մշակման տեղեկատվա-վերլուծական կենտրոնի ստեղծում, ինչպես նաև ծովային բազմաթիրախային անօդաչու հարթակների սեփական արտադրության կազմակերպում:  

Ըստ նախագծի՝ սարքը գործի է դրվելու քամու ուժի հաշվին, իսկ կիրառման ոլորտը բավականին լայն է՝ ձկնային պաշարների վերլուծություն, շրջակա միջավայրի համալիր մոնիթորինգ, օվկիանոսաբանություն և հիդրոգրաֆիա, ծովային նավթագազային հանքավայրերի ուսումնասիրում, որոնողափրկարարական աշխատանքներ:

Նշվում է, որ անօդաչու սարքերի գնմամբ արդեն հետաքրքրվել է Ադրբեջանը: