Ադրբեջանը ստվերային տնտեսություն ունեցող երկրների թվում առաջատարն է

Ադրբեջանը ստվերային տնտեսություն ունեցող երկրների թվում առաջատարն է ճանաչվել: Նա առաջին տեղն է զբաղեցրել որակավորված հաշվապահների միջազգային ասոցիացիայի (АССА) կողմից անցկացված հետազոտության արդյունքներով:

Նշվում է, որ Ադրբեջանի  ստվերային տնտեսության ծավալը կազմում է ՀՆԱ-ի 67,4%-ը: 

Երկրորդ տեղում է հայտնվել Նիգերիան՝ 48,37%, իսկ եռյակը եզրափակում է Ուկրաինան՝ 45,16% ցուցանիշով: 

Ստվերային տնտեսություններ ունեցող երկրների հնգյակում է նաև Ռուսաստանը՝ 39.9% ցուցանիշով և Շրի Լանկան՝ 37.3%:

Հետազոտության մեջ դիտարկվել է 28 երկիր: