Հերթական ռուսական վարկը կուղղվի ՌԴ ռազմական նշանակության արտադրանքի ձեռքբերմանը

Ռուսաստանի կառավարությունը Հայաստանին մինչև 100 մլն դոլարի չափով պետական վարկ կտա։ ՀՀ և ՌԴ կառավարությունների միջև ստորագրված համաձայնագիրը կոչվում է պետական արտահանման վարկ և տրամադրվում է ռուսական արտադրության ռազմական նշանակության արտադրանքի մատակարարումների ֆինանսավորման համար:

Այս մասին կառավարության այսօրվա նիստում զեկուցել է ՀՀ ֆինանսների փոխնախարար Ատոմ Ջանջուղազյանը:

«Հայաստանի Հանրապետության կառավարության և Ռուսաստանի Դաշնություն կառավարության միջև Հայաստանի Հանրապետության կառավարությանը պետական արտահանման վարկ տրամադրելու մասին» համաձայնագրի նախագիծը նախատեսում է, որ հայկական կողմը հիմնական պարտքը կմարի 15 տարվա ընթացքում, յուրաքանչյուր տարվա մայիսի 15-ին և նոյեմբերի 15-ին, առաջին վճարումը կկատարվի 2023թ. մայիսի 15-ին: Վարկը տրվում է տարեկան 3 տոկոս տոկոսադրույքով:

Նշվում է, որ նախագիծը համապատասխանում է Հայաստանի Հանրապետության օրենսդրությանը: