Սաուդյան Արաբիայի թագավորը կայցելի Ռուսաստան

Սաուդյան Արաբիայի թագավորը հոկտեմբերի 5-ին ՌԴ նախագահ Վլադիմիր Պուտինի հրավերով կայցելի Ռուսաստան, հաղորդում է SPA գործակալությունը:

Սա 2015 թվականին գահակալելուց հետո թագավոր Սալմանի առաջին այցն է Մոսկվա: Հանդիպման ընթացքում երկու երկրների ղեկավարները կքննարկեն երկկողմ եւ տարածաշրջանային հարցեր:

Ավելի վաղ ՌԴ էներգետիկայի նախարար Ալեքսանդր Նովակը հայտարարել էր, որ կողմերը նախատեսում են 1 մլրդ դոլարի չափով հիմանդրամ ստեղծել էներգետիկ նախագծերի ներդրումների համար: