Ադրբեջանում ազատ են արձակվել «Նարդարանի իրադարձությունների» գործով դատապարտյալները

Նարդարանի իրադարձություններից հետո դատապարտված որոշ անձինք վաղաժամ ազատ են արձակվել։ ԱՊԱ-ի հաղորդմամբ՝ նման վճիռ կայացրել է դատարանը։

Տեղեկության համաձայն՝ ազատ է արձակվել 14 մարդ, որոնք 2015-ի նոյեմբերի 26-ին մասնակցել են գյուղում տեղի ունեցած դեպքերին։

2015-ի նոյեմբերի 26-ին ոստիկանությունը Նարդարանում՝ Աբուլֆազ Բունյադովի տանը, հատուկ գործողություն էր իրականացրել։ Այդ ժամանակ կրոնական ծայրահեղականները ոստիկանության աշխատակիցների ուղղությամբ կրակ էին բացել եւ նրանցից երկուսին սպանել։ Քաղաքական նկատառումներից ելնելով՝ բանտերում Նարդարանի մեծ թվով բնակիչներ էին հայտնվել։