Կրակոցները դադարել են, ԵԱՀԿ առաքելությունը դիտարկումն ավարտել է. ՊՆ

ԵԱՀԿ դիտորդական խումբը հայ-ադրբեջանական սահմանի Չինարիի հատվածում ավարտել է դիտորդական առաքելությունը: Այս մասին հայտնում է ՀՀ ՊՆ խոսնակ Արծրուն Հովհաննիսյանը:

VERELQ-ն այսօր տեղեկացրել էր, որ Հայաստանի եւ Ադրբեջանի սահմանին անցկացված ԵԱՀԿ առաքելության դիտարկման ընթացքում հակառակորդի զինված ուժերը խախտել են հրադադարի ռեժիմը: Կրակահերթի հետևանքով ԵԱՀԿ դիտորդական խումբը չէր կարողանում աշխատանքներ իրականացնել:

«Այս պահին կրակոցները դադարել են, դիտարկումն իրականացվել է»,- նշել է Արծրուն Հովհաննիսյանը: