Մոսկվայի Դոմոդեդովո օդանավակայանում ՀՀ քաղաքացի է մահացել

Այսօր գիշեր Մոսկվայի  «Դոմոդեդովո» օդանավակայանում մահացել է ՀՀ քաղաքացի: Այս մասին գրում է «МК»-ն՝ հղում անելով օդանավակայանում իր աղբյուրներին: 

57-ամյա տղամարդը դստեր հետ սպասում էր դեպի Երևան չվերթին, սակայն 2,45-ին նրա ինքնազգացողությունը կտրուկ վատացել է: Բժիշկները չեն կարողացել նրան փրկել՝ տղամարդը մահացել է սրտային անբավարարությունից:

Նշվում է, որ մինչև օգոստոսի 14-ը նա բուժվել է հիվանդանոցում թոքերի օնկոլոգիական հիվանդոթյունից: