Մեդվեդեւն անհրաժեշտ է համարում ԵԱՏՄ միասնական թվային տարածքի ստեղծումը

Միասնական թվային տարածքն անհրաժեշտ է ոչ թե մեկ երկրի, այլ ամբողջ ԵԱՏՄ-ի ծավալով: Այս մասին հայտարարել է ՌԴ վարչապետ Դմիտրի Մեդվեդեւը ԵԱՏՄ միջկառավարական խորհրդի ընդլայնված նիստի ընթացքում, փոխանցում է «ՌԻԱ Նովոստի»-ն:

«Իսկապես էլեկտրոնային տեխնոլոգիաները թափանցում են մեր կյանքի բոլոր ոլորտների մեջ, մենք այսօր դա քննարկել ենք: Մենք դրանով ակտիվորեն զբաղվում ենք ազգային մակարդակով, ես նկատի ունեմ Ռուսաստանը: Հուլիսի վերջին ես հաստատել եմ մեր երկրում մինչեւ 2024 թվականի համար թվային տնտեսության ծրագիրը: Սակայն մենք հրաշալի հասկանում ենք, որ եթե ընդհանուր շուկա ենք ստեղծում, այդպիսի միասնական թվային տարածքի կարիք կունենանք ոչ թե մեկ երկրի, այլ ամբողջ Եվրասիական միության ծավալով»,- ասել է Մեդվեդեւը: