Սևանա լճում ռուս պայմանագրային զինծառայող է ջրահեղձ եղել

Սևանա լճում ռուս պայմանագրային զինծառայող է ջրահեղձ եղել: Այս մասին տեղեկանում ենք Քննչական կոմիտեից:

Համաձայն հաղորդագրության, 2017 թվականի օգոստոսի 13-ին «Սևան ԲԿ»-ից ահազանգ է ստացվել, որ իրենց մոտ է տեղափոխվել 1997թ. ծնված երիտասարդի դի։ Քննությամբ պարզվել է, որ տուժողը Հայաստանի Հանրապետությունում տեղակայված ռուսական N զորամասի պայմանագրային զինծառայող է, ազգությամբ ռուս, ով 3 զինակից ընկերների հետ դեպքի օրը գտնվել է Գեղարքունիքի մարզում։

Նախնական տվյալներով՝ երիտասարդը ջրահեղձ է եղել օգոստոսի 13-ին՝ ժամը 18:00-ի սահմաններում՝ Սևանա լճում լողալու ժամանակ։

Նշանակվել է դատաբժշկական փորձաքննություն, պարզվում են հանգամանքները։