Ռազմական փորձագետ. «Супер Мушак»–ը թույլ կտա պատրաստել ռազմական օդաչուներ Ադրբեջանի համար

«Супер Мушак» ինքնաթիռների ընտրությունն Ադրբեջանի զինուժի կողմից իրականացվել է ինքնաթիռի հնարավորությունների և ներուժի խորը ուսումնասիրություններից հետո։ Ինքնաթիռը լայն միջազգային ճանաչում է ստացել։ Այդ մասին հայտարարել է պակիստանցի ռազմական փորձագետ Կայզեր Տուֆայլը, փոխանցում է azeri.today–ը։

Նրա խոսքով, այդ ինքնաթիռը գտնվում է 9 երկրի օդուժի տրամադրության տակ, այդ թվում Պակիստանի։

««Супер Мушак»–ը շատ հարմար է օդաչուների նախնական պատրաստության համար։Շասին թույլ է տալիս իրականացնել տարբեր բարդության վայրէջքներ»,- նշել է նա։

Ըստ նրա, Պակիստանն Ադրբեջանին կտրամադրի նաև լոգիստիկ աջակցություն։