ԶԼՄ-ներ. Միխեիլ Սաակաշվիլուն զրկել են Ուկրաինայի քաղաքացիությունից

Ուկրաինական «Վեստի» պարբերականը հայտնում է այն մասին, որ Օդեսայի նախկին նահանգապետ Միխեիլ Սաակաշվիլուն զրկել են ուկրաինական քաղաքացիությունից: Աղբյուրը հղում է անում Ռադիկալ կուսակցության պատգամավոր Իգոր Մոսիյչուկի գրառմանը Facebook-ում:

«Ինձ հաստատել են, որ դա ճիշտ է՝ Սաակաշվիլուն զրկել են Ուկրաինայի քաղաքացիությունից և սա վկայում է, որ նախագահ Պյոտր Պորոշենկոն վերջապես սկսել է ընդունել սեփական սխալները», - ասված է գրառման մեջ:  

Ավելի վաղ նման լուրեր էին շրջանառվում, մինչդեռ Միխեիլ Սաակաշվիլին հայտարարել էր, որ որևէ վախ չունի նման հեռանկարից: