Թուրքիան շատ թշնամիներ ունի, որոնք ցանկանում են "մեր երկրի կործանումը". Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ երկիրը շատ թշնամիներ ունի, որոնք ցանկանում են իրենց կործանումը:

“Մեծ քանակությամբ թշնամիներ են սպաում Թուրքիայի կործանմանը: Եթե ես սկսեմ նրանց անունները թվարկել, ապա այն կհանգեցնի մեծ միջազգային ճգնաժամի”, - ասել է նախագահը Թուրքիայում պետական հեղաշրջման կանխման մեկամյակին նվիրված հանրահավաքի ժամանակ Անկարայում:

Այս համատեքստում նա հիշեցրել է, որ Թուրքիայի հեղաշրջման փորձի կազմակերպման մեջ մեղադրվող իսլամական քարոզիչ Ֆեթուլահ Գյուլենը բնակվում է Միացյալ Նահանգներում:

Իր ելույթը Թուրքիայի առաջնորդն ավարտել է հետևյալ խոսքերով. “Անցյալ տարվա խռովության ճնշումը ցույց տվեց, որ 20 ժամվա ընթացքում փլուզվեց այն, ինչ կազմակերպվում էր 40 տարի”:

Հիշեցնենք, որ Թուրքիայում ռազմական հեղաշրջամն փորձը տեղի ունեցավ 2016 թ-ի հուլիսի 16-ին: Գիշերային բախումների հետևանքով զոհվեց ավելի քան 240 մարդ: Թուրքիայի շատ քաղաքաներում անցկացվեցին բազմահազարանոց երթեր ու ցույցեր՝ նվիրված այս իրադարձությանը: