Հրաչյա Հարությունյանը Հայաստանում անազատության մեջ կանցկացնի 2 տարի 9 ամիս

Հրաչյա Հարությունյանը Հայաստան կտեղափոխվի հուլիսի 16-ին: Այս մասին newsbook-ին հայտնել է նրա աները:

Այսպիսով Հարությունյանը Հայաստանում անազատության մեջ կանցկացնի 2 տարի 9 ամիս:

Հրաչյա Հարությունյանի վարած բեռնատարը 2013 թվականի հուլիսի 13-ին մխրճվել է Պոդոլսկից դեպի Կուրիլովո 64 ուղեւորի փոխադրող ավտոբուսի մեջ: Վթարի հետեւանքով 18 մարդ զոհվել է, ավելի քան 40-ը՝ վիրավորվել: Մոսկվայի քաղաքային դատարանը 2015թ. ապրիլին Հրաչյա Հարությունյանին դատապարտել է 6 տարի և 9 ամիս ժամկետով ազատազրկման: Վճիռը հրապարակելուց հետո մեկնարկեց Հրաչյա Հարությունյանի՝ Հայաստան տեղափոխման հարցը:

Ավելի վաղ VERELQ-ը գրել էր, որ ՌԴ-ում դատապարտված վարորդ Հրաչյա Հարությունյանի գործով դատարանի վճիռը կայացվել է, այն արդեն ուժի մեջ է մտել, իսկ համաձայն լրատվամիջոցների՝ Ռուսաստանի Դաշնության տարածքով ներքին տեղափոխումն իրականացվել է: