Կախա Կալաձեն հրաժարական է տվել. նա կպայքարի Թբիլիսիի քաղաքապետի պաշտոնի համար

Վրաստանի էներգետիկայի նախարար Կախա Կալաձեն հրաժարական է տվել: Այս մասին հայտնում է Грузия-Онлайн-ը:

Նա մտադիր է պայքարել Թբիլիսիի քաղաքապետի պաշտոնի համար: Նա ներկայացրել է իր հնգամյա գործունեության մասին զեկույց և հայտնել, որ Թբիլիսիի քաղաքապետի պաշտոնում իրեն առաջադրվելու առաջարկ է արել Վրաստանի վարչապետ Գեորգի Կվիրիկաշվիլին:

«Վրաստանի վարչապետ Գեորգի Կվիրիկաշվիլին ներկայացրել է իմ թեկնածությունը Թբիլիսիի քաղաքապետի պաշտոնում: Ես կանեմ ամեն ինչ, որպեսզի ընտրվելու դեպքում լինեմ հաջողակ: Ես հավատում եմ մեր թիմի միասնականությանը»,- ասել է նա:

Ի դեպ, Կալաձեն նախարարի պաշտոնը զբաղեցնում էր 2012-ից` «Վրացական երազանքի»` իշխանության գալուց հետո: