ԲԹԿ–ի գործարկումը կնվազեցնի Փոթի և Բաթումի նավահանգիստներով բեռնափոխադրումների ծավալը
Չնայած Բաքու–Թբիլիսի–Կարս երկաթգիծը շուտով պետք է գործի, Վրաստանի ու Ադրբեջանի կառավարությունները դեռևս չեն կողմնորոշվել սակագնային քաղաքականության առումով։ Այդ մասին հայտարարել է վրացի փորձագետ Պաատա Ցագարեիշվիլին։
Նա նշել է, որ սակագները այդ տրանսպորտային միջանցքի կարևոր տարրն են, փոխանցում է kavkaz-uzel–ը։
Ըստ նրա, ԲԹԿ–ով պետք է անցներ Ղազախստանի նավթը, սակայն այժմ իրավիճակը փոխվել է` Ղազախստանն ինքն է վերամշակում իր նավթի մեծ մասը։ Այսինքն, այդ բեռները կորցված են և պետք է փոխհատուցել այդպիսի ծավալներ։
Նրա խոսքով, կառավարությունը պետք է աշխատի, որպեսի գրավի Միջին Ասիայից`Ղազախստանից ու Չինաստանից կոնտեյներներ։ ԲԹԿ–ի եկամտաբերության առումով այդ միջանցքով տարեկան պետք է անցնի առնվազն հինգ միլիոն տոննա բեռ։
Նա հավելել է, որ ԲԹԿ–ի գործարկումը կնվազեցնի Փոթի և Բաթումի նավահանգիստներով բեռնափոխադրումների ծավալը։