Արցախում հերթական լարվածության ֆոնին Ալիևն ընդունեց Մինսկի խմբի համանախագահներին

Ադրբեջանի նախագահ Իլհամ Ալիևն ընդունել է ԵԱՀԿ Մինսկի խմբի համանախագահներին:

Ինչպես հաղորդում է Trend-ը, հանդիպմանը բացի համանախագահներից՝ Իգոր Պոպովից (Ռուսաստան), Ստեֆան Վիսկոնտիից (Ֆրանսիա) և Ռիչարդ Հոգլանդից (ԱՄՆ) մասնակցել է նաև ԵԱՀԿ գործող նախագահի ներկայացուցիչ Անջեյ Կասպշիկը: 

Հիշեցնենք, համանախագահները անցած շաբաթ այցելեցին Հայաստան և Արցախ: Հայաստանի ղեկավարության հետ հանդիպումներում բարձրաձայնվեց մտահոգություն առաջնագծում  արձանագրվող միջադեպերի առնչությամբ: Սակայն համանախագահների այցից հետո Բաքուն դիմեց հերթական գործողություններին, որոնք սրեցին իրավիճակը սահմանին, ինչի հետևանքով անցած շաբաթ առաջնագծում զոհվել է չորս հայ զինծառայող: