Իտալիայի և Գերմանիայի բնակիչները դեմ են ՆԱՏՕ-ի անդամավճարներն ավելացնելուն

Բրիտանացիներն ու ֆրանսիացիները կողմ են ՆԱՏՕ-ի անդամավճարներն ավելացնելուն, իսկ գերմանացիներն ու իտալացիները՝ դեմ։ Այս մասին հաղորդում է Sputnik-ը՝ վկայակոչելով հարցման տվյալները:

Հարցումն անցկացվել է Բրյուսելում կայացած ՆԱՏՕ-ի գագաթնաժողովից առաջ: Ապրիլի 21-25-ը ֆրանսիական IFop ընկերության իրականացրած հարցմանը 2302 մարդ է մասնակցել։

Հարցման տվյալներով՝ ՆԱՏՕ-ի բյուջե վճարումների ավելացմանը կողմ են Մեծ Բրիտանիայի բնակիչների կեսից ավելին եւ ֆրանսիացիների 44 տոկոսը։ Նման կարծիք ունեն բարձրագույն կրթությամբ տարեց մարդիկ։ Գերմանիայում եւ Իտալիայում իրավիճակը հակառակն է։