Պուտին. Ռուսաստանին զսպելու փորձերն արդյունք չեն տալիս

Ռուսաստանին զսպելու փորձերը հաջողությամբ չեն ավարտվում, արդյունքը զրոյական է: ՌԻԱ Նովոստիի փոխանցմամբ՝ Պետերբուրգյան միջազգային տնտեսական ֆորումի շրջանակում միջազգային լրատվամիջոցների ղեկավարների հետ հանդիպմանն այս մասին հայտարարել է ՌԴ նախագահ Վլադիմիր Պուտինը:

«Որոշ ժամանակ առաջ առանձին երկրներից մեր գործընկերները սկսեցին Ռուսաստանին զսպելու փորձեր ձեռնարկել, զսպել իր ազգային շահերը պաշտպանելու օրինական ձգտման հարցում՝ միջազգային իրավունքի շրջանակում չտեղավորվող գործողություններ ձեռնարկելով, այդ թվում՝ տնտեսական բնույթի սահմանափակումներ, իսկ հիմա տեսնում են, որ արդյունքը զրոյական է»,- ասել է Պուտինը: