Հայաստան կայցելի ԵԱՀԿ գլխավոր քարտուղարը. ԱԳՆ

Մայիսի 30-ին արտաքին գործերի նախարար Էդվարդ Նալբանդյանի հրավերով Հայաստան կայցելի Եվրոպայում անվտանգության և համագործակցության կազմակերպության (ԵԱՀԿ) գլխավոր քարտուղար Լամբերտո Զանիերը:

Ինչպես հայտնում են ՀՀ ԱԳՆ մամուլի ծառայությունից, ԵԱՀԿ գլխավոր քարտուղարին կընդունի Հանրապետության նախագահը։ Մայիսի 30-ին կկայանան Հայաստանի արտաքին գործերի նախարարի և ԵԱՀԿ գլխավոր քարտուղարի բանակցությունները և համատեղ մամուլի ասուլիսը: