Թուրքական տնտեսությունն ունի 3 ատոմակայանի կարիք

Միջուկային էներգետիկան զարգացած երկրների տնտեսությունների անբաժանելի մասն է։ Այդ մասին «Անադոլու»–ին հայտնել է Թուրքիայի էներգետիկ շուկայի կարգավորման և վեահսկողության վարչության պետ Մուսթաֆա Յըլմազը։

Նրա խոսքով, Թուրքիայի էներգետիկայի նախարարությունն ուշադրությամբ հսկում է Աքքույու ատոմակայանի շինաշխատանքները։

«Հաշվի առնելով թուրքական տնտեսության զարգացման տեմպերը կարող եմ ասել, որ պետք է սկսել երկրորդ ատոմակայանի շինաշխատանքներն ու մտածել երրորդի շինարարության մասին»,– նշել է նա։