Մամեդյարով. Ղարաբաղյան հակամարտության կարգավորման համար հիմք են ՄԱԿ-ի բանաձևերը

Ղարաբաղյան հակամարտության կարգավորման համար հիմք են հանդիսանում ՄԱԿ-ի ԱԽ բանաձևերը: Այս մասին ՄԱԿ-ի գլխավոր քարտուղար Անտոնիո Գուտերեշի հետ հանդիպմանը հայտարարել է Ադրբեջանի արտգործնախարար Էլմար Մամեդյարովը:

ԱՊԱ-ի հաղորդմամբ, Մամեդյարովն ավելացրել է, որ այս բանաձևերի պահանջների անտեսումը հարուցում է իր ափսոսանք:

Ընդգծելով, որ հակամարտության կարգավորման համար անհրաժեշտ է շարունակել բանակցությունները, ադրբեջանցի նախարարն ընդգծել է ՄԱԿ-ի դերակատարությունը հայ-ադրբեջանական հակամարտությունում, որը, նրա խոսքով, սպառնալիք է հանդիսանում աշխարհի և Հարավային Կովկասի անվտանգությանը: