Արցախի ՊԲ-ը պատժիչ քայլեր է ձեռնարկել. ադրբեջանական կողմը կորուստներ ունի (տեսանյութ)

Ի պատասխան արցախա-ադրբեջանական հակամարտ զորքերի շփման գծում մայիսի 16-ի լույս 17-ի գիշերը հակառակորդի դրսևորած ակտիվության, ՊԲ մարտական հերթապահության մեջ գտնվող ստորաբաժանումները ձեռնարկել են կանխարգելիչ գործողություններ:

Ինչպես հայտնում են VERELQ-ին, Արցախի ՊԲ-ից, ձեռնարկված գործողությունների արդյունքում, ըստ ՊԲ համապատասխան ծառայությունների տրամադրության տակ եղած հավաստի տվյալների, ադրբեջանական կողմը կրել է կորուստներ:

Ավելի վաղ Ադրբեջանի ՊՆ կայքը հայտնել էր, թե անցած գիշերվա մարտերի ընթացքում հայկական ուժերը կիրառել են «մարտական» ԱԹՍ-ներ։ Պատասխան գործողությունների փաստը հայակական կողմը չէր հերքել:

Հիշեցնենք, մայիսի 15-ի լույս 16-ի գիշերը ըստ ՊԲ հաղորդագրության, ՊԲ արևելյան ուղղությամբ հակառակորդը կիրառել էր ՍՊԱՅԿ տիպի կառավարվող հրթիռ, ինչի արդյունքում մասնակի վնասվել էր մեկ ռազմական տեխնիկա: