Թիլերսոն. ԱՄՆ-ի եւ Ռուսաստանի միջեւ մեծաթիվ խնդիրներ կան, որոնք քննարկման կարիք ունեն

ԱՄՆ-ի եւ Ռուսաստանի միջեւ մեծաթիվ խնդիրներ կան, որոնք քննարկման կարիք ունեն: Այս մասին հայտարարել է ԱՄՆ պետքարտուղար Ռեքս Թիլերսոնը, փոխանցում է «Ամերիկայի ձայնը»:

Նա նշել է, թե այն, որ Ռուսաստանը միջամտել է ընտրությունների ընթացքին՝ անձամբ իր համար հարց չէ:

«Մենք պետք է այս հարաբերությունները (ԱՄՆ-ի եւ Ռուսաստանի) ամենաընդարձակ ծրագրով քննարկենք»,- ընդգծել է ԱՄՆ պետքարտուղարը՝ հավելելով, որ ինքը հավատարիմ է Վաշինգտոնի եւ Մոսկվայի համագործակցության խորացմանը: