ՌԴ ԱԳՆ ղեկավարը Իրանին ՇՀԿ-ում ընդունելու հարցի շուտափույթ քննարկման հույս ունի

ՌԴ ԱԳ նախարար Սերգեյ Լավրովը հույս ունի, որ հունիսին Աստանայում պետության ղեկավարները կկարողանան քննարկել Շանհայի համագործակցության կազմակերպությանը Իրանի որպես լիրավ անդամի միանալու հարցը, հաղորդում է «ՌԻԱ Նովոստի»-ն:

«Հերթում հաջորդը, այսօր այդ մասին շատերն են խոսել, Իրանն է, որն արդեն լուծել է հարցերը կապված, ինչպես գիտեք, Անվտանգության խորհրդի պատժամիջոցների հետ: Այժմ նա լիովին համապատասխանում է ՇՀԿ անդամի չափանիշներին, եւ մենք հույս ունենք, որ Աստանայում հունիսին պետության ղեկավարները կկարողանան քննարկել Իրանին` որպես լիրավ անդամի ներառելու ընթացակարգը սկսելու հարցը»,- լրագրողների հետ հանդիպման ընթացքում ասել է Լավրովը: