Անկարան խոչընդոտում է թուրքական բանտերում խոշտանգումների զեկույցի հրապարակմանը. ԵԽ

501

Եվրոպայի խորհրդի խոշտանգումների դեմ կոմիտեն չի կարողանում հրապարակել թուրքական բանտերում իրադրության վերաբերյալ հաշվետվությունը, քանի որ Անկարան թույլ չի տաիս դա անել։ Այս մասին հայտարարել է կոմիտեի ղեկավար Նիկոլայ Գնատովսկին՝ ամենամյա հաշվետվության հրապարակումից առաջ, հաղորդում է «Գերմանական ալիք»-ը։

«Իհարկե, մենք շատ կցանկանայինք քննարկել մեզ մոտ առկա տեղեկությունները։ Բայց առանց թույլտվության ես չեմ կարող մեկ բառ անգամ ասել», - հայտարարել է Գնատովսկին։

Համաձայն Թուրքիայի ներքին գործերի նախարարության տեղեկության՝ 2017-ի ապրիլի սկզբին նախնական կալանքի բանտախցերում մոտ 47 հազար մարդ է եղել, որոնք մեղադրվում են քարոզիչ Ֆեթուլլահ Գյուլենի գլխավորած իսլամական շարժմանը հարելու մեջ։

Կտտանքների դեմ միջազգային կոնվենցիան, որին 1989 թվականին միացել է Թուրքիան, իրավապաշտպաններին թույլ է տալիս տեսակցել ձերբակալվածների հետ եւ հասանելիություն տալիս նրանց մասին փաստաթղթերին։ «Մենք խոսել ենք հարյուրավոր մարդկանց հետ՝ առանձին ու առանց վկաների։ Արդյունքում մեզ մոտ բավականին նյութ է կուտակվել, որոնց հիման վրա որոշ եզրակացությունների կարելի է հանգել», - հայտնել է Դմիտրի Գնատովսկին։

Տպել

Թեմայի այլ նորություններ
Загрузка...