Բաքուն Թեհրանից պաշտպանվելու պատրանք է ստեղծում

Երեկ Բաքվի բարբարոսական վարչախմբի ԶՈւ-երն անցկացրել են ԱԹՍ-ների վարժանքներ Ապշերոնյան թերակղզու և մայրաքաղաք Բաքվի երկնքում։

Չնայած պաշտոնապես նշվում է, որ դրանք նախապես ծրագրված են եղել, պարզ է, որ վարժանքները միտված են իրանական հնարավոր հարձակման դեմ, քանի որ հենց այստեղ են գտնվում այն հիմնական նավթահանքերը, որոնք սպասարկում են նաև Իսրայելի կարիքների մի զգալի հատվածը։

Առնվազն ծիծաղելի է թվում, որ Բաքվում ենթադրում են, թե, պատկերավոր ասած, Իրանի քթի տակ, հնարավոր է պաշտպանել իրենց նավթագազային ենթակառուցվածքները, այն դեպքում, երբ իրանցիները կարողանում են խոցել մոտ 1000 կիլոմետր հեռավորության վրա գտնվող իսրայելական Հայֆայի նավթազտարանը, կամ նմանօրինակ գրեթե ցանկացած ենթակառուցվածք Պարսից ծոցի տարածաշրջանի՝ ավելի զարգացած ՀՕՊ համակարգ ունեցող յուրաքանչյուր երկրում։

Այնպես որ, կարծում եմ՝ վարժանքներն ուղղված են, նախևառաջ, սեփական հասարակությանը համոզելու, թե Բաքվի բարբարոսական վարչախումբն ունի բավարար պաշտպանական կարողություններ իրանական հնարավոր վտանգի դեմ։

Իրանագետ Վարդան Ոսկանյան