ՀՀ ԱԳՆ. Եգիպտոսում ՀՀ քաղաքացիներ չեն տուժել

Եգիպտոսում նախօրեին տեղի ունեցած ահաբեկչություններում ՀՀ քաղաքացիներ չեն տուժել: Այս մասին ասաց ՀՀ ԱԳՆ խոսնակ Տիգրան Բալայանը:

Նրա խոսքով, ինչպես պարզել է Եգիպտոսում ՀՀ դեսպանատունը, այս պահի դրությամբ տուժած ՀՀ քաղաքացիներ չկան։

VERELQ-ն ավելի վաղ տեղեկացրել էր, որ կիրակի օրը երկու ահաբեկչություն է տեղի ունեցել Եգիպտոսի Ալեքսանդրիա և Տանտա քաղաքների եկեղեցիներում: Երկու պայթյունների հետեւանքով զոհվել է 44 մարդ, տասնյակներ ստացել տարբեր աստիճանի վնասվածքներ:

Ահաբեկչություններից հետո, որոնց համար պատասխանատվություն է ստանձնել ԻՊ-ը, Եգիպտոսի նախագահը հայտարարել է երկրում երեք ամսով արտակարգ դրություն սահմանելու մասին: