ԱԳՆ. Պետերբուրգի մետրոյում պայթյունի հետևանքով տուժածների շրջանում կան հայեր

Սանկտ-Պետերբուրգի ՀՀ Գլխավոր հյուպատոսության նախնական տվյալների համաձայն Պետերբուրգի մետրոյում պայթյունի հետևանքով տուժածների շրջանում կան հայեր:

Այս մասին թվիթերի իր էջում գրառում է կատարել ՀՀ ԱԳՆ մամուլի խոսնակ Տիգրան Բալայանը:

Ավելի վաղ Հայաստանի Արտաքին գործերի նախարարությունը հայտարարել էր, որ ճշտում է Սանկտ Պետերբուրգում մետրոյի պայթյունի հետևանքով տուժածների շրջանում ՀՀ քաղաքացիների և ազգությամբ հայերի առկայությունը:

Այսօր Սանկտ Պետերբուրգի մետրոյում պայթյուն է տեղի ունեցել, ինչի հետևանքով նախնական տվյալներով զոհվել է 10 մարդ: Տեղի ունեցած ողբերգական պայթյունի կապակցությամբ ՌԴ նախագահ Վլադիմիր Պուտինին ցավակցական հեռագիր է հղել ՀՀ նախագահ Սերժ Սարգսյանը: