Ամառը չի նահանջում․ առաջիկա օրերին Հայաստանում շոգ և առանց տեղումների

Օգոստոսն արդեն մոտ է իր ավարտին, բայց ամառային շոգը դեռ չի նահանջում։ Առաջիկա հինգ օրերին Հայաստանի տարածքում տեղումներ չեն կանխատեսվում, ջերմաստիճանի անկում նույնպես չի սպասվում։

Այս մասին տեղեկացնում է Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։

Նրա խոսքով՝ օգոստոսի 30-ից մինչև սեպտեմբերի 1-ը սպասվում է ջերմաստիճանի փոքր-ինչ բարձրացում։

«Մինչև օգոստոսի 29-ը Արմավիրում, Արագածոտնի և Կոտայքի նախալեռներում, ինչպես նաև Երևանում երեկոյան ժամերին կդիտվեն լեռնահովտային քամիներ, սակայն օգոստոսի 30-ից դրանք ևս կդադարեն», — նշել է Սուրենյանը։ Մասնագետը ընդգծել է, որ հանրապետության ողջ տարածքում շարունակում է պահպանվել հրդեհավտանգ իրավիճակ։