Օդի որակի վերահսկումը խստացվում է․ նոր չափանիշներ ու 16 կայան մինչև 2030

Կառավարությունը օգոստոսի 14-ին հաստատեց օդի որակի մոնիթորինգի համակարգի արդիականացումը՝ այն համապատասխանեցնելով ԵՄ պահանջներին և ԱՀԿ-ի ամենախիստ ուղեցույցներին։

Կարգը սահմանում է մթնոլորտային օդի որակի գնահատման նոր չափանիշներ, չափման մեթոդներ և դիտակայանների տեղակայման սկզբունքներ։

Անցումն իրականացվելու է երկու փուլով․ 2030-ից ազգային նորմերը կհամապատասխանեն ԵՄ պահանջներին և ԱՀԿ-ի չորրորդ փուլի ցուցիչներին, իսկ 2035-ից կգործեն ԱՀԿ-ի առաջարկած ամենախիստ չափանիշները։

Մինչև 2030-ը նախատեսվում է ամբողջությամբ թարմացնել ենթակառուցվածքը՝ տեղադրելով 14 անշարժ և 2 շարժական կայաններ և արդիականացնել քիմիական լաբորատորիաները՝ օրգանական աղտոտիչների ու ծանր մետաղների չափումները ապահովելու համար։