Ադրբեջանը դիրքավորվում է որպես կառուցողական երկիր, իսկ հայերիս վերածում է ագրեսորի

Ադրբեջանում տեղի ունեցող կեղծ դատավարությունների ժամանակ Հայաստանին է վերագրվում նաև 2016 և 2020 թթ.-ի մարտական գործողությունների նախաձեռնումն ու խաղաղ բնակավայրերի հրետակոծությունը:

Հեռու չէ այն օրը, երբ ադրբեջանցիները մեզ` հայերիս, կվերագրեն արցախցիների շրջափակումն ու սեպտեմբերյան գործողությունները, որովհետև մի կողմից Ադրբեջանն իր պետական մեքենան ամբողջովին ծառայեցնում է հայերի դեմ ծավալային գրոհներին, իսկ փաշինյանական իշխանությունը նախընտրում է լռել ու դրանով սպահովել ադրբեջանցիների սահուն առավելությունը:

Արցախի ու Հայաստանի դեմ ռազմական հանցագործություն գործած ահաբեկչական պետությունը` Ադրբեջանը, դիրքավորվում է որպես կառուցողական երկիր, իսկ տարածքային, մարդկային ու դիրքային հսկայական կորուստներ ունեցած հայերիս վերածում է ագրեսորի, հանցագործի ու դա անում է հայաստանյան իշխանությունների լուռ համաձայնության ներքո:

ԱԺ "Պատիվ ունեմ" խմբակցության քարտուղար Տիգրան Աբրահամյան