Le Figaro. Սիրիայում իրական հաղթողը`Իրանն է

Մոլաների ռեժիմն Իրանում ցուցադրում է, որ նրանք կարող են կյանքի կոչել իրենց երկարաժամկետ աշխարհաքաղաքական նպատակները։ Այդ մասին հայտարարել է գեոպոլիտիկ հարցերով փորձագետ Ժերար Շալյանը, փոխանցում է Le Figaro–ն։

Նա նշել է, որ Ասադի ռեժիմը`  Իրանի ու ՌԴ–ի աջակցությամբ կարողացել է հետ գրավել Արևելյան Հալեպը։ Սակայն Սիրիայում `ՌԴ–ի գործուն աջակցությամբ իրական հաղթողն Իրանն է։

Ըստ նրա, իրանական ձեռքբերումները հիմնված են շիական հոգևորականության միասնության վրա`այդ ինստիտուտն իր արդյունավետությամբ կարելի է համեմատել մարքսիստական–լենինյան կուսակցության հետ։

Նա հավելել է, որ սունիները գործել են ոչ միասնական`լինի դա Թուրքիայում ու Քաթարում, որոնք պաշտպանում եմ Մուսուլման եղբայրներին, լինի դա Սաուդյան Արաբիայում, որն «արտահանում» է վահաբիստական գաղափարախոսությունը։