Արևելագետ. Էրդողանի համար ամենակարևորը`սահմանադրական հանրաքվեն է

Թուրքիայի նախագահը վերջերս հանդես է եկել հայտարարությամբ, մեղադել Նիդեռլանդներին ու դիմելով վարչապետ Մարկ Ռյուտեին նշել, որ նա կորցրել է Թուրքիայի ընկերությունը։

Էրդողանը շատ փորձառու քաղաքական գործիչ է, շատ խորամանկ։ Նա հաշվարկել է, որ իր այդ էմոցիոնալ պահվածը կգրավի Թուրքիայի ընտրողների համակրանքը։ Էրդողանի հետաքրքրում են ոչ թե Նիդեռլանդների հետ հարաբերությունները, այլ ապրիլին կ այանալիք սահմանադրական հանրաքվեի արդյունքը։ Այդ մասին հայտարարել է արևելագետ Ելենա Սուպոնինան։

Փորձագետը նշել է, որ հանրաքվեի արդյունքների հետ դեռևս կան կասկածներ`հարցումները ցույց են տալիս, որ Էրդողանը կարող է և ոչ այնքան տպավորիչ հաղթանակ տանել։ Էրդողանը, սակայն, վստահ է իր հաղթանակում, փոխանցում է BBC–ին։

Նա հավելել է, որ սահմանադրության փոփոխությունները կամրապնդեն Էրդողանի մենիշխանությունը։