Քննարկվել են ՀՀ-ի և Ֆրանսիայի միջև պաշտպանական համագործակցության խորացման հարցեր

ՊՆ-ում շարունակվել է ԶՈՒ բարձրագույն և ավագ սպայական կազմերի ատեստավորման գործընթացը

27.03.2025

Մարտի 27-ին ՀՀ ՊՆ վարչական համալիրում շարունակվել է ԶՈՒ բարձրագույն և ավագ սպայական կազմերի հերթական ենթախմբի ատեստավորման գործընթացը։ Այս մասին տեղեկացնում են ՀՀ ՊՆ-ից:

Ատեստավորման վերջին օրը հարցաշարերի միջոցով ստուգվել են մասնակիցների մասնագիտական գիտելիքներն ու ծառայողական պարտականությունների իմացությունը։ Տեսական քննության ընթացքին հետևել են ՀՀ պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանը և ԳՇ պետի տեղակալ, գեներալ-մայոր Կարեն Գրիգորյանը:

Ողջունելով քննության մասնակիցներին՝ ԳՇ պետը համոզմունք է հայտնել, որ ատեստավորման գործընթացին ներգրավված գեներալներն ու բարձրաստիճան սպաները հավուր պատշաճի կհանձնեն տեսական քննությունը, և հանրագումարի արդյունքում կձևավորվի նրանց ընդհանուր գնահատականը։