Հայաստանում ուսուցիչների 20%-ն արդեն ստանում է բարձրացված աշխատավարձ

Հայաստանում գործող ուսուցիչների մեկ հինգերորդը՝ ավելի քան 6100 մանկավարժ, արդեն անցել է կամավոր ատեստավորում և ստանում է բարձրացված աշխատավարձ։ Այս մասին փետրվարի 6-ին հայտնել է կրթության, գիտության, մշակույթի և սպորտի նախարար Ժաննա Անդրեասյանը։

Ըստ նախարարի՝ հատկանշական է, որ 2023-2024 թվականների ընթացքում կամավոր ատեստավորման շնորհիվ 614 ուսուցիչ, որոնք չունեին բարձրագույն կրթություն, կարողացել են շարունակել իրենց աշխատանքը՝ հաղթահարելով անցողիկ շեմը։ Ավելին, կառավարության հատուկ ծրագրի շրջանակներում այժմ 49 ուսուցիչ պետական միջոցներով բարձրագույն կրթություն է ստանում։