Փաշինյանը այլ բարձրաստիճան պաշտոնյաների հետ այցելեց «Եռաբլուր»

Վարչապետ Նիկոլ Փաշինյանը քիչ առաջ ժամանեց «Եռաբլուր» զինվորական պանթեոն:

Նրանից առաջ արդեն Եռաբլուր էին եկել ՀՀ նախագահ Վահագն Խաչատուրյանը, ԱԺ նախագահ Ալեն Սիմոնյանը, փոխվարչապետներ Տիգրան Խաչատրյանն ու Մհեր Գրիգորյանը, պաշտպանության նախարար Սուրեն Պապիկյանը, ԳՇ պետ Էդվարդ Ասրյանը, ԱԳ նախարար Արարատ Միրզոյանը, ԱԽ քարտուղար Արմեն Գրիգորյանը, ԱԱԾ պետ Արմեն Աբազյանը, այլ նախարարներ ու բարձրաստիճան պաշտոնյաներ:

Նշենք, որ այսօր՝ հունվարի 28-ին, Բանակի օրվա կապակցությամբ ՀՀ վարչապետ Նիկոլ Փաշինյանի «Եռաբլուր» այցին ընդառաջ վաղ առավոտից պանթեոնի ամբողջ տարածքում ուժեղացված ծառայություն են իրականացնում ոստիկանության աշխատակիցները, ինչպես նաև քաղաքացիական հագուստով անձինք՝ ՊՊԾ աշխատակիցները: