ՀՀ քաղաքացիություն ստանալը խոչընդոտ չէ արցախահայերի վերադարձի իրավունքի իրացման համար. ՄԻՊ

ՀՀ քաղաքացիություն ստանալը խոչընդոտ չէ արցախահայերի վերադարձի իրավունքի իրացման համար. այս մասին ԱԺ-ում հայտարարեց Արցախի ՄԻՊ Գեղամ Ստեփանյանը՝ նշելով, որ այս հարցով խորհրդակցել է նաև ոլորտի միջազգային մասնագետների հետ։

Միաժամանակ նա նշել է, որ արցախահայության շրջանում նման մտահոգություններ առաջացրել է գործող իշխանության վարքագիծը, մասնավորապես, մարդկանց ապօրինի քաղաքացիությունից մասսայաբար զրկելուց հետո Արցախ վերադարձի իրավունքի հարցը բանակցային գործընթացից դուրս թողնելով, քաղաքացիության իմպերատիվ պահանջը պետական աջակցության ծրագրերում ներառելով և նմանատիպ այլ քայլերով։

Նշենք, որ այս պահին «Հայաստան» խմբակցության պատգամավորների նախաձեռնությամբ ԱԺ֊ում ընթանում է քննարկում բռնի տեղահանված արցախահայերի քաղաքացիության հետ կապված հարցերի վերաբերյալ։ Քննարկմանը մասնակցում են ԱՀ մարդու իրավունքների պաշտպանը, ԱՀ ԱԺ պատգամավորներ, Արցախի հանրապետության քաղաքացիներ։ Քաղաքացիության հետ կապված հարցերին անդրադառնում է ՆԳՆ փոխնախարար Արմեն Ղազարյանը։