Քաղաքապետարանը դիմել է կառավարությանը՝ ֆինանսական օգնություն ստանալու համար

Վարդաշենի 6-րդ փողոց 66/1 և 68ա 4-րդ կարգի վթարային շենքերում ապրում է շուրջ 180 ընտանիք:

Երևանի քաղաքապետարանում խորհրդակցության ընթացքում հայտարարվեց, որ բնակիչներին վերաբնակեցնելու նպատակով, քանի որ համայնքը համապատասխան բնակելի ֆոնդ ու ֆինանսական միջոցներ չունի, քաղաքապետարանը դիմել է կառավարության աջակցությանը՝ պետական բյուջեում համապատասխան գումար նախատեսելու առաջարկով:

Նախնական հաշվարկներով կպահանջվի 3.2 մլրդ դրամ: