Իշխանությունը դեռ որոշում չի կայացրել Բաքվում կայանալիք COP29-ին մասնակցելու վերաբերյալ

Հայաստանի իշխանությունները դեռ որոշում չեն կայացրել Բաքվում կայանալիք COP29 համաշխարհային գագաթնաժողովին երկրի մասնակցության վերաբերյալ։ Այս մասին լրագրողների հետ զրույցում ասաց ՀՀ ԱԺ նախագահ Ալեն Սիմոնյանը։

«Դեռ որոշում չկա: Պետք է հարցը քննարկենք ու հասկանանք՝ արժե՞ գնալ, ինչու, ինչ կտա Հայաստանին, ինչ մակարդակով ենք մենք մասնակցում և այլն։ Բայց ես ուզում եմ ընդգծել, որ COP-ին մասնակցելու հրավերը Ադրբեջանի մենաշնորհը չէ, դա ադրբեջանական միջոցառում չէ, դա ՄԱԿ-ի միջոցառում է, իսկ Հայաստանը ՄԱԿ-ի լիիրավ անդամ է։ Ուզում եմ կրկնել, որ դեռ որոշում չկա: Մենք կքննարկենք ու կորոշենք՝ սա (մասնակցությունը) պե՞տք է Հայաստանին, թե՞ ոչ»,- ասաց բանախոսը։

Հարցին, թե Հայաստանը զղջո՞ւմ է, որ աջակցել է Ադրբեջանում այս միջազգային միջոցառման անցկացմանը, նա պատասխանեց. «Ոչ, ինչպես, մենք գերի ենք ստացել դրա համար: Մենք չենք աջակցել, բայց շատ վատ իրավիճակում պետք է համաձայնվեինք, որ 30-ից ավելի գերի վերադառնար Հայաստան։ Ուրեմն ի՞նչ, չպե՞տք է համաձայնվեինք"։

Սիմոնյանի խոսքով՝ Հայաստանը չի ձեռնարկում որևէ քայլ՝ ուղղված COP29 միջոցառումը չեղարկելուն։ Ինքը՝ A+ na[agahy, սա ճիշտ քայլ է համարում.

«Ադրբեջանը պատմական հնարավորություն ունի դրական ուղերձ հղելու աշխարհին»,- ասաց նա։