Հայաստանի և Վիետնամի միջև ձևավորվել են ջերմ հարաբերություններ. նախագահ

Հանրապետության նախագահ Վահագն Խաչատուրյանը շնորհավորական ուղերձ է հղել Վիետնամի Սոցիալիստական Հանրապետության նախագահ, Վիետնամի կոմունիստական կուսակցության կենտրոնական կոմիտեի գլխավոր քարտուղար Տո Լամին ազգային տոնի՝ Անկախության օրվա կապակցությամբ:

«Գոհունակությամբ պետք է արձանագրել, որ Հայաստանի և Վիետնամի միջև ձևավորվել են ջերմ հարաբերություններ, որոնք համագործակցության ընդլայնման նոր հեռանկարների համար լավ հիմք են։

Համոզված եմ, որ հետագայում առավել կխորացնենք արդյունավետ գործընկերությունը փոխադարձ հետաքրքրություն ներկայացնող ոլորտներում՝ ի շահ մեր ժողովուրդների»,- ասվում է ուղերձում: